Houston مشهور

السلام عليكم ورحمة الله وبركاته
اما بعد نظرا لوجودي بامريكا تقريب السنتين وقد زرت الكثير من مدن وولايات بامريكا فاني بعد سنه تقريبا قررت الستقرار في هيوستن وعلى قولت الاخ سكاي ما تحس بالغربه فيها ابد ومدينه رخيصه على حسب علمي بالاسعار الاجواء مثل اجواء السعودية تقريبا بس مو مره حر مثلها المواصلات فيها حلوه كل شي متوفر فيها تقريبا من الاخر بنسبة لي راح اعيش فيها لين ارجع السعوديه

تتميز مدينة هيوستن بانخفاض اسعار السكن والحضانة وجودة الخدمات العامه والامان ويعيبها حرارة الجو العالية معظم فترات السنه وضعف بل ربما انعدام الترفيه

مدينة كبييييره مرررره وفيها عرب كثيييييييييييييييييييييييير لدرجه فيها مطاعم تبيع فطائر والحلو فيها ان مطارها كويس لتوفر طيران القطريه والاماراتيه والجميل ايضا ان كل شهرين او 3 شهور يجي واحد من اهلك الي بالسعوديه يوصيك على خويه راح يجي والا مديره واحيانا واحد فيهم بكبره يجيك فجأه بحكم الشركات كلها موجوده فيها

والمدينة ما تصلح للطلاب اكثر ما تصلح للموظفين وايضا مدينة ممتازة جدا بالنسبة للمتزوجين لان العباية والنقاب شي طبيعي هناك

بإختصار هيوستن زي دبي من كثر ابو عراب الي فيها

وشكرا

هيوستن مدينة جدا مناسبة للعائلات و للبنات المتحجبات. سكان هيوستن متعودين على أختلاف الثقافات و متعودين على المنقبات ففيه أحترام كبير ليهم. فيها الكثير من المساجد. فيها بعد مدرسة أسلامية.
أسعار السكن فيها 500 دولار بس المتوسط من 700 - 850 حق الغرفة الوحدة. الغرفتين أغلب الأحيان بتكون أغلى 200 دولار.
الترفيه: يعتمد أيش هو الترفيه للشخص. فيها حدائق حلوة فيها متاحف فيها ناسا و حوض الأسماك و حدائق حيوان. بس منتزهات ألعاب ما سمعت عنها. بس فيه مكان للمسدسات اليزر أو إلي بالألوان.
المناخ: مثل السعودية.
المنطقة مناسبة للتخصصات الطبية و البترول. جامعة هيوستن بتعتبر من أحد أفضل جامعات أمريكا في تخصص هندسة بترول.
عني بدرسة علوم كمبيوتر. جامعات هيوستن مو كلها عندها علوم كمبيوتر للماستر يعني الإختيار محدود.

هيوستن مدينة هادئة وجوها قريب جدا إلى جو السعودية وفيها جالية عربية ومسلمة كبيرة جدا وجنسيات أخرى مختلفة لدرجة أني انسى أحيانا أني في أمريكا. فيها متاحف و منتزهات ورابع اكبر مجمع تجاري في أمريكا ومحطة ناسا و كثير من المراكز الترفيهية المناسبة للطلاب والعائلات. أسعار السكن مناسبة والمواصلات العامة متوفرة. كما يوجد بها عدة مراكز إسلامية ومطاعم عربية وحلال. المدينة جميلة ومناسبة للاستقرار. شارع ويستهايمر وهيلكروفت من اكثر الشوارع التي يسكنها العرب.