Houston مشهور
معاينات الأعضاء
السلام عليكم ورحمة الله وبركاته
اما بعد نظرا لوجودي بامريكا تقريب السنتين وقد زرت الكثير من مدن وولايات بامريكا فاني بعد سنه تقريبا قررت الستقرار في هيوستن وعلى قولت الاخ سكاي ما تحس بالغربه فيها ابد ومدينه رخيصه على حسب علمي بالاسعار الاجواء مثل اجواء السعودية تقريبا بس مو مره حر مثلها المواصلات فيها حلوه كل شي متوفر فيها تقريبا من الاخر بنسبة لي راح اعيش فيها لين ارجع السعوديه
نظرا لدراستي فيها اكثر من سنة فهي مدينه عمليه ودارسيه اكثر ماتكون ترفيهيه ماتحس كثير باللغربه لكثره العرب والمساجد وايضا المحلات والمطاعم الكثيرررره العربيه
هذا يخليها مفضله للعوائل اكثر لاانهم متعودين على الاجناس والثقفات الاخرى فااماتحس بالعنصريه اببدا
مهم يكون معك سياره للتنقلات لان المترو محطاته مو كثيره ومو كثير امن
مدينه كبيررره وتستغرب من كثره الانفاق والجسور الموجوده فيها بس تقريبا الجامعات في مناطق متقاربه نوعا ما
السكن سهل الحصول عليه اذا كان لغرفتين بس ل3 يتعب شوي لقلة الخيارات
المناخ حاااار ورطب والشتاء بارد
مدينة هيوستن رابع اكبر مدينة في امريكا. متنوعة الحضارات, وهذا ساعد في تواجد مطاعم ومحلات عربية, آسيوية, وغيرها. فيها أكثر من 3 جامعات معترفه من قبل الملحقية. انصح ان يكون معاك سيارة لسهولة التنقل والترفيه, لكن فيها كل انواع المواصلات من باص الى قطار وغيره. اسعار السكن جدا ممتازة, و الهوم ستي( العائلة) متواجيدين في كل انحاء المدينة وبأسعار تتراوح بين 550 دولار الى فوق و يمكن تلقون اقل. يتراوح الامان فيها من منطقة الى منطقة بسبب كبر المدينة. وفيها جالية اسلامية كبيرة في هذي المدينة والمساجد موزعة بكثرة على انحاء المدينة والحمد لله. جوها حار زي السعودية ورطب طوال الصيف ومتقلب طوال بقية الفصول. فيها مناطق ترفيهية كثيرة لكن لكبر حجم المدينة تصعب العثور عليها.
مدينة كبيرة تتوفر فيها جميع التسهيلات من جميع النواحي، تتميز بالمركز الطبي الذي يوجد به اكبر مركز ابحاث السرطان والذي يتوافد عليه الخليجيين للعلاج شفاهم الله.
الحياة فيها سهلة مشابهة للحياة في مدن السعودية الكبيرة، كالرياض وجدة، إذ تحتاج فيها إلى السيارة إذ لا تركيز على المواصلات العامة.
العرب تواجدهم بكثرة، الكثير من المقاهي والمطاعم والبقالات العربية، كثرة الطلاب السعوديين على وجه الخصوص.
وجود القنصلية السعودية فيها
الجو سهل التاقلم عليه..
يوجد الكثير من الاماكن السياحية
يكثر بها المساجد،
هيوستن مدينة هادئة وجوها قريب جدا إلى جو السعودية وفيها جالية عربية ومسلمة كبيرة جدا وجنسيات أخرى مختلفة لدرجة أني انسى أحيانا أني في أمريكا. فيها متاحف و منتزهات ورابع اكبر مجمع تجاري في أمريكا ومحطة ناسا و كثير من المراكز الترفيهية المناسبة للطلاب والعائلات. أسعار السكن مناسبة والمواصلات العامة متوفرة. كما يوجد بها عدة مراكز إسلامية ومطاعم عربية وحلال. المدينة جميلة ومناسبة للاستقرار. شارع ويستهايمر وهيلكروفت من اكثر الشوارع التي يسكنها العرب.