Philadelphia مشهور

فلادلفيا من اجمل المدن الجميلة في امريكا زرت عدة مدن مهمة في امريكا مثل شيكاغو، بوستين، لوس انجلوس، واشنظن العاصمة، نيويورك المدينة، بيتسبيرغ، ميامي، تامبا. بصراحة انطباعي عن فلادلفيا بشكل عام ممتاز جدا نظرا للقرب للمدن المهمة مثل واشنطن ونيويورك. من ناحية المواصلات انا عشت فيها ثلاث سنوات بدون لا احتاج للسيارة الا للتسوق لمقاضي المنزل اذا كنت قاصد سوق بعيد عن السكن. ومن الميزات الي فيها كثرة المساجد والمطاعم العربية وهذي ميزة للعوائل. الأمان متوفر في الاماكن القريبة من حرم الجامعة وبالاصح من وقت النهار لمنتصف الليل. الاسواق فيها كثيرة وبتوفر المواصلات لها. من ناحية طقس فلادلقيا نظرا لقرب للشمال الشرقي فانها بارة نوعا ما اكثر من المدن الجنوبية وينزل فيها غالبا في نهاية شهر نوفمبر الى اواخر مارس. الخدمات الترفيهية متوفرة على حسب نشاطك ورغباتك وبشكل العام فيها نشاطات ترفيهية عديدة. اسعار السكن في المدينة نوعا ما ممتاز مقارنة بالمدن الكبيرة مثل واشنطن ونيويورك. انطباعي عن اهل المدينة وشعبها جدا خدوم نظرا للكثرة التعدد العرقي لديها. سامحوني على القصور لو قصرت في التعبير عن فلادلفيا

اولا .. بالنسبة للامان (( المنطقة اللي يتواجد فيها السعودين ــ حي الصحافة بالرياض ــ City Ave هي منطقة امنه بشكل كبير)) .. بس فيه بعض المناطق ينعدم فيها الامن ..
اسعار السكن .. يعتبر غالي مقارنة بمدن الوسط ـ المدينة اللي انا فيها الحين ـ يعني انا كنت ساكن بـ 1160 غرفتين غير مؤثثة و غير شامل لا كهرب ولا نت او كيبل التلفزيون
الخدمات الترفيهيه .. اللي معه سيارة بيلقى فيه اماكن واجد للترفيه - هذي الاماكن صعب انك توصلها بدون سيارة ..
المناخ .. ممتاز في الشتاء ماهو بررد مدة يعني كابرد حاجة ممكن توصل 5- ... المدينة اللي انا فيها 25- وانت تضحك ..
الموقع .. انا اشوف انه موقع ممتاز جدا قريب من نيويورك ساعتين و واشنطن ٣ ساعات و بوسطن ٦ ساعات و اتلانتك سيتي ساعة تقريبا ..
المدينة فيها مطاعم عربية كثير و مساجد كثيرة و بقالات عربية عشان تشترون منها جبنة بوك ..
اتمنى اكون افدتكم ..

المدينة جيدا جدا وتصل الى ممتازة ، فيها خدمات كثيرة وخيارات السكن فيها كثير
المواصلات متوفرة بكثرة عن طريق الباصات او القطارات وغيرها
فيها جامعات كثيرة منها قوية ومتوسطة ومتدنية
صحيح الأمان فيها مو قوي ، لكنه يتركز في اماكن معينة واوقات معينة
الحمد لله صار لي حوالي سنة ولا شفت شي بعيني ، شفت في الاخبار بس :)

المدينة من الناحية الدراسية ممتازة جدا نظرا لتواجد 3 جامعات متميزة, جامعة اليوبن, جامعة دركسل و جامعة تمبل. بالنسبة للأمان , فهذا يعتمد على المنطقة إلي بتسكن فيها و القاعدة الذهبية في فيلادلفيا " كل ما تسكن أبعد عن أحياء السود انت في أمان" و الفكرة ان أحياء السود أحياء فقيرة تكثر فيها الجرائم. من الناحية الجغرافية, مدينة فيلادلفيا تتميز بموقع استراتيجي... ليش ؟ لأنها قريبة لمدن رئيسية كثيرة مثل واشنطن(3 ساعات) نيويورك(ساعتين) بوسطن(5 ساعات). بالنسبة لأسعار السكن, فهي مناسبة جدا إذا قارنتها بالمدن الكبيرة الأخرى.
بالنسبة للمواصلات, عندك قطارات و باصات و مترو فلذلك يمكن الإستغناء عن السيارة.

مدينه آمنه الى حد كبير مقارنه بواشنطن العاصمه ونيويورك فهي اقل منهم في عدد الجرائم. المشكله اغلب المواطنين من اصحاب البشره السودا فيعتقدوا الشباب انهم مجرمين، وهذا طبعا اعتقاد جائر. بالنسبه للترفيه فيها كميه متاحف كبيره، ومطاعم وكافيهات وكل ما تحتاجه. المواصلات ممتازه جدا. الجامعات كثيره في فيلادلفيا بتخصصات متنوعه. مدينه عريقه ويبان هالشي في مبانيها ومنشآتها. ناسها طيبين وبسيطين.