Philadelphia مشهور
معاينات الأعضاء
المدينه امنه الى حد ما خاصه السكن بالقرب من الجامعات يوجد بها العديد من الجامعات المتميزه في تخصصات الهندسه والادارة.
يوجد العديد من المطاعم و المحلات العربيه ايضا قريبة من عدة مدن ترفيهيه (نيويورك، نيوجرسي ، فرجينيا ، اطلنتك ستي )
انا عني عشت في فيلادلفيا ..حبيت وسائل المواصلات فيها و المطاعم..ميزة فلي قربها من نيويورك واشنطن شي مررررة حلو بالنسبة لي ك طالبة و مطارها دولي لبعض خطوط الطيران تعتير ميزة حلوة.. الامان فيها انا الحمدلله واللي اعرفهم ماتعرضنا لأي مضايقة والناس جدا حبوبة ..الجالية الافريقية جدا جدا كبيرة بس للامانه كانو يسلمون علينا طبعا من شارع ٤٥ يبدا يقل مستووى الامان..
السكن انا ساكنه في السيتي اافنيو بسعر ٩٥٠ غرفة وحدة لان جنب الجامعة وقت ماوصلت مالقيت سكن رخيص فكان الانسب بس حاليا ماني حابته لانه يبعد ربع ساعة بالباص(اللي له مواعيد عبيطة) عن الجامعة والداون.. طبعا المدينه مو مرة نظيفه وبنية معمارية تاريخيه في السنتر ستي و المنطقة الجامعية . نسبة من الهوم لس تشوفونهم في الشوارع..
Temple University
البلد كانت صناعية والان تعتبر اقدم مدينة في امريكا قديمة جدا جدا جدا حرااام تجي امريكا وتعيش فيها لانك مارح تشوف امريكا
البلد غير نظيفة ابدا وغير امنة ابدا ابدا ابد خصوصا الشمال والسيتي سنتر في الليل بعد
السكان خصوصا عند جامعة تمبل في الشمال من افقر واسوأ انواع الاحياء
البلد غالية مقارنة بأسعار ولايات كثيرة
الزبدة لاتجون فيلادلفيا بالذات تمبل تقدر تعيش وتصرف نفس التكاليف في مدن كثيرة احلى وارقى وانظف وامان اكثر بكثير من فيلادلفيا
الينيفيرستي ستي امنة نوعا ما ما فيها مشاكل و بعض الاماكن في الداون تاون بس باقي الاماكن متوسطة الامان و غرب و شمال خطرة جدا
المدينة وصخة الى حد ما, الناس لطيفين هنا و الجامعات كويسة , فيه باصات و سب وي و ترين و ترولي يغطون كل فيلادلفيا تقريبا بس مشكلتها وصخة
مدينه امنه في كثير من الاماكن مثل المدينه الجامعه والداون تاون وغيرها من الاماكن اللي تكثر فيها المجمعات السكنيه وفيها الكثير من الطلاب السعوديين والعائلات ايضا.
وايضا يجد فيها الطالب السعودي كل احتياجاته من المطاعم والاسواق العربيه والمجمعات التجاريه والمكتبات العامه والخاصه ... والكثير من المتاحف والاماكن التاريخيه والحدائق.