Houston مشهور
معاينات الأعضاء
مدينة كبيرة تتوفر فيها جميع التسهيلات من جميع النواحي، تتميز بالمركز الطبي الذي يوجد به اكبر مركز ابحاث السرطان والذي يتوافد عليه الخليجيين للعلاج شفاهم الله.
الحياة فيها سهلة مشابهة للحياة في مدن السعودية الكبيرة، كالرياض وجدة، إذ تحتاج فيها إلى السيارة إذ لا تركيز على المواصلات العامة.
العرب تواجدهم بكثرة، الكثير من المقاهي والمطاعم والبقالات العربية، كثرة الطلاب السعوديين على وجه الخصوص.
وجود القنصلية السعودية فيها
الجو سهل التاقلم عليه..
يوجد الكثير من الاماكن السياحية
يكثر بها المساجد،
السلام عليكم ... مشكلة المدينه انك تحتاج سياره والا الامور الثانيه ف ان شاء الله انها مناسبه
هيوستن مدينة جدا مناسبة للعائلات و للبنات المتحجبات. سكان هيوستن متعودين على أختلاف الثقافات و متعودين على المنقبات ففيه أحترام كبير ليهم. فيها الكثير من المساجد. فيها بعد مدرسة أسلامية.
أسعار السكن فيها 500 دولار بس المتوسط من 700 - 850 حق الغرفة الوحدة. الغرفتين أغلب الأحيان بتكون أغلى 200 دولار.
الترفيه: يعتمد أيش هو الترفيه للشخص. فيها حدائق حلوة فيها متاحف فيها ناسا و حوض الأسماك و حدائق حيوان. بس منتزهات ألعاب ما سمعت عنها. بس فيه مكان للمسدسات اليزر أو إلي بالألوان.
المناخ: مثل السعودية.
المنطقة مناسبة للتخصصات الطبية و البترول. جامعة هيوستن بتعتبر من أحد أفضل جامعات أمريكا في تخصص هندسة بترول.
عني بدرسة علوم كمبيوتر. جامعات هيوستن مو كلها عندها علوم كمبيوتر للماستر يعني الإختيار محدود.
مشكلة هيوستن قلة الاماكن الترفيهية .. المدينة ممتازة من ناحية كثرة المطاعم وتنوعها .. السيارة شئ اساسي في هيوستن والنقل العام يعتبر سيئ مقارنة بمدن امريكية كبيرة أخرى .. أسعار السكن مناسبة جداً جداً مقارنة بمدن كبيرة بأمريكا ..
باختصار الطالب اللي يبي يدرس هذي مدينة دراسه واللي يبي يدج ويدشر ويروح يمين يسار لا يجي هنا وسلامتكم